Seneta kurudi na Money

 

Mkali wa muziki wa Bongfleva, Seneta ambaye video yake ya Jembe imefanikiwa kumuongezea idadi ya mashabiki wanaopenda kazi zake, baada ya kukaa kimya kwa muda akiwa anapiga mishe nyingine, amekutana na eNewz na kudokeza juu ya mpango wa kushuka na zawadi nyingine kali hivi karibuni.

Seneta amesema kuwa baada ya round kadhaa nje ya muziki, mashabiki wa muziki wake watarajie pini mpya kutoka kwake, pini ambayo imesukwa na prodyuza Tuddy Thomas, na ndani yake kukiwa na backup ya rapa Godzilla.

Kama ulikuwa hufahamu, eNewz tumekutana na msanii huyu katika mishe za kujipatia tiketi kadhaa za show ya P Square kwaajili yake na washkaji zake Jumamosi hii, Tukamuuliza anauzungumziaje ujio wa wasanii hawa, na mshkaji akaweka bayana kuwa hakuna sababu yoyote ya mpenda burudani kukosa kuhudhuria onyesho hili kubwa hasa kutokana na uwezo mkubwa wa wasanii hawa jukwaani pamoja na namna walivyoiteka tasnia ya Burudani kimataifa.