Bebe Mbabe wa Goodlyf

Tamasha la Battle of The Champions lililokuwa linawapambanisha jukwaani wasanii wa Uganda, Bebe Cool pamoja na Radio na Weasel hatimaye limemaliza ubishi wa watu ambapo baada ya mchuano mkali wa moja kwa moja jukwaani, mwisho wa siku Bebe Cool aliweza kuamuliwa ndio msanii mkali zaidi ya mahasimu wake kwa kuwarusha watu.

Katika onyesho hili kwa mujibu wa ripoti, Radio na Weasel walipoteza kiki baada ya kuimba nyimbo zao kali 30 na kuanza kupoteza nguvu na uzuri wa sauti zao, ambapo hasimu wao kwa sapoti kubwa ya bendi yake, ndipo alipoweza kuibuka na nguvu mpya na kutumbuiza katika kiwango chake.

Jose Chameleone pia ambaye inafahamika kuwa hayupo katika maelewano mazuri na Radio pamoja na Weasel alikuwa kivutio baada ya kuibuka katika onyesho hili huku akiweka wazi kuwa yeye anawasapoti Radio na Weasel na licha ya wao kushindwa, kwake yeye anawaona kama bado ni washindi.. kauli ambayo inahesabiwa kama dongo kubwa.