Bebe amkumbuka Mandela

 

Katika orodha ya matukio makubwa na ya kihistoria katika maisha yake kama msanii wa muziki, Bebe Cool ameweka wazi kuwa pembeni ya ushindi wa tuzo pamoja na kufanya maonyesho katika matamasha makubwa kabisa, nafasi ya kukutana ana kwa ana na Marehemu Mzee Nelson Mandela inabaki kuwa kumbukumbu kubwa zaidi maishani mwake.

Bebe Cool ameeleza kuwa, tukio hili lilitokea huko London mwaka 2008 katika tamasha kubwa la 46664 ambalo pia lilikuwa ni maalum kwa ajili ya kusherekea miaka 90 ya mwanaharakati huyu mkubwa Afrika.

Bebe Cool anasema kuwa, anakumbuka msisimko mkubwa aliokuwa nao kabla ya kukutana na kiongozi huyu na kuzungumza naye maneno machache, nafasi ambayo ilimuwezesha kugundua kuwa Mandela alikuwa ni mtu mcheshi na mwenye busara nyingi.