Wasanii KE wafafanua maendeleo

 

Leo hii wakati majirani zetu, wananchi wa Kenya wakiwa wanaadhimisha miaka 50 ya Uhuru wa nchi yao, wasanii wakubwa wanaofanya vizuri katika muziki nchini humo wamezungumza nasi kueleza ni kwa namna gani wanaitazama siku hii kubwa katika historia ya nchi yao.

Wasanii hawa kwa niaba ya wengine woote wanaofanya muziki kutoka nchini Kenya, Wahu Kagwi pamoja na Collins Majale maarufu zaidi kama Collo, mbali na kupongeza Kenya kwa hatua hii kubwa, hivi ndivyo walivyozungumza juu ya miaka 50 ya uhuru wa nchi hiyo.

Wahu pamoja na Collo kwapamoja wamesema kuwa wanafurahi kuona kuwa muziki Kenya sasa umekuwa na maendeleo makubwa na kwamba wasanii sasa wanaweza kufanya maisha kupitia muziki, Swala hili likiwa ni moja ya hatua kubwa ya kimaendeleo ndani ya miaka 50 ya uhuru wa nchi yao.