Wasanii wadogo kujitangaza leo

 

Katika jitihada za kuinua wasanii wachanga hapa nchini Tanzania pamoja na kutengeneza jukwaa la kutangaza kazi mbalimbali za kisanaa kutoka kwa wasanii wa hapa nyumbani, tamasha kubwa kabisa linalofahamika kama Unscripted Concert for Africa linatarajia kufanyika siku ya leo jijini Dar es Salaam katika viwanja vya Biafra ambapo kazi mbalimbali za sanaa zitaonyeshwa.

Katika onyesho hili pia, wasanii wa muziki wenye majina makubwa  watakutanishwa na wasanii wanaochipukia na kuziunganisha kazi zao ikiwa pia ni kama njia ya kuwasaidia kuwainua kuelekea mafanikio ya kazi zao.

Mratibu wa shughuli hii Emmanuel Mushi ameongea na eNewz na kufafanua zaidi juu ya lengo la tukio hili hususan kwa vijana, na kuwataka kujitokeza kwa wingi kushiriki katika tamasha hili.